کۆردیناسیۆنی کۆمەڵەی گەنجان: سەری فاشیزم دەوڵەتی تورکە

کۆردیناسیۆنی کۆمەڵەی گەنجان، لە یادی ١٥ی شوبات ‌و  هێرشی دەوڵەت تورك بۆ سەر چیای گارە، ڕایدەگەیەنێت: کوردستان دەكەنە گۆڕستان بۆ دەوڵەتی توركی داگیركەر.

کۆردیناسیۆنی کۆمەڵەی گەنجان بە بۆنەی ١٥ی شوباتەوە، پەیامێکی بڵاوکردەوە ‌و دەڵێت: ڕێبەری کورد عەبدوڵا ئۆجالان، ڕێبەری گەنجان بوە، پیلانگێرییەكانی دەوڵەتی توركیش لە دژی گەلی كورد، شەرمەزار دەكات ‌و تایبەت بە شەڕی چیای گارە ئاماژەی بەوەش كردوە، كە دەوڵەتی توركی داگیرکەر، بە پشتیوانیی پەدەكە، هێرشی کردوەتە سەر چیای گارە.

کۆمەڵەی گەنجان دەیشڵێت: سەری فاشیزم، دەوڵەتی توركە، بۆیە پێویستە گەنجان لە هەموو کات زیاتر و بەرپرسیارانەتر بچنە مەیدانەكان، بۆ شەرمەزاركردن ‌و هەڵگرتنی گۆشەگیریی سەر ڕێبەر ئاپۆ لە ئیمراڵی.

کۆردیناسیۆنی کۆمەڵەی گەنجان، جەختیشی كردوەتەوە لەوەی، گەنجان خۆیان فیدای ڕێبەر ئاپۆ دەكەن ‌و کوردستانیش دەكەنە گۆڕستان بۆ دەوڵەتی توركی داگیركەر.